Personi që dyshohet se qëlloi me armë në drejtim të viktimës i cili ka ndërruar jetë të dielën rreth orës 19:32 në Gjilna është në arrati.
Sipas raportit 24 orësh të Policisë së Kosovës bëhet e ditur se në vendin e ngjarjes janë sekuestruar një pushkë gjuetie, një pushkë zjarri M48, një pistoletë (pa kafkë), 68 fisheke dhe 4 gëzhoja.
“Gjilan / 11.10.2026 – 19:32. Raportohet se i dyshuari mashkull Kosovar, dyshohet me armë zjarri ka qëlluar viktimën mashkull Kosovar. Në vendin e ngjarjes janë sekuestruar një pushkë gjuetie, një pushkë zjarri M48, një pistoletë (pa kafkë), 68 fisheke dhe 4 gëzhoja”, thuhet në raport.
Ndërkaq, i dyshuari gjendet në kërkim policor. Me vendim të prokurorit, trupi i pa jetë i viktimës është dërguar në IML për obduksion. /Telegrafi/