Kryetari i Komunës së Shtimes, Qemajl Aliu, ka bërë të ditur se faza e fundit e asfaltimit të rrugëve në këtë komunë është drejt përfundimit, para përkeqësimit të kushteve atmosferike.
Në një njoftim të publikuar në Facebook, Aliu theksoi se punimet po realizohen me qëllim të lehtësimit të qarkullimit për qytetarët dhe përmirësimit të infrastrukturës rrugore.
“Faza e fundit e asfaltimit të rrugëve po përfundon para përkeqësimit të motit, për qarkullim më të lehtë për qytetarët”, ka shkruar Aliu, duke shtuar se Komuna e Shtimes do të vazhdojë me realizimin e projekteve infrastrukturore.
Ai theksoi se angazhimi i komunës për investime në infrastrukturë nuk do të ndalet, me synimin për krijimin e kushteve më të mira për jetesë dhe lëvizje të qytetarëve. /Telegrafi/
