Një kombinim perfekt për zonjat e guximshme që nuk kanë frikë të bien në sy
Amanda Holden konsiderohet prej kohësh si një zonjë me stil të patëmetë, gjë që e konfirmon vazhdimisht me paraqitjet e saj elegante dhe të kuruara deri në detaj
Ajo i la të gjithë pa fjalë me pamjen e saj teksa po dilte nga studioja e radios Heart FM në Londër. Moderatorja e radios është 54 vjeçe dhe vitet i mban në mënyrë fantastike, duke u kthyer në frymëzim për shumë gra. Kombinimet e saj të veshjes janë gjithmonë të qëlluara – ajo di të mahnisë si në stilin e përditshëm, ashtu edhe në tapetin e kuq.
Këtë herë, Amanda u shfaq jashtëzakonisht shik me një mini fund prej lëkure ngjyrë kafe, i cili theksonte këmbët e saj të tonifikuara. Duke iu përshtatur motit të ftohtë, ajo e kombinoi fundin me një triko në të njëjtën nuancë, duke krijuar një harmoni elegante dhe moderne, transmeton Telegrafi.
profimedia
Mbi supe kishte hedhur një pallto bezhë me thurje të trashë dekorative, ndërsa figurës së saj i shtoi edhe disa centimetra me çizme prej lëkure ngjyrë kafe deri në gju, të cilat u përshtatën në mënyrë perfekte me gjithë stilimin. Edhe një herë, ajo tregoi se vitet janë thjesht një numër.
Me buzëqeshje në fytyrë, Amanda pozoi për fotoreporterët e pranishëm, duke ngritur me entuziazëm dorën në ajër ndërsa flokët e borës binin lehtë rreth saj.
Më shumë kombinime të shkëlqyera veshjesh të Amanda Holden mund t’i shihni në galerinë më poshtë:
/Telegrafi/