Aplikacioni i mesazheve WhatsApp ka nisur të shpërndajë një përditësim të ri që përfshin funksione të shumëpritura për përdoruesit e iPhonet.
Me ndryshimin e fundit, përdoruesit e iOS tani mund të përdorin dy llogari të ndryshme WhatsApp në të njëjtin telefon njëkohësisht — opsion që deri tani ishte i disponueshëm vetëm në Android.
Fotografia e profilit e çdo llogarie shfaqet në shiritin poshtë të ekranit, në mënyrë që të dini me cilën llogari jeni duke dërguar mesazhe.
Përveç kësaj, përditësimi përfshin shërbime të reja që e bëjnë më të lehtë transferimin e historisë së bisedave mes pajisjeve ose platformave të ndryshme – si nga iOS në Android – pa humbur mesazhet. Kjo do të ndihmojë veçanërisht kur ndërrohet telefoni.
Gjithashtu janë futur mjetet e reja për menaxhimin e mesazheve, përfshirë aftësinë për të fshirë skedarët e mëdhenj direkt nga një bisedë për të liruar hapësirë pa fshirë gjithë bisedën.
Përditësimi sjell edhe funksione të bazuara në inteligjencë artificiale (AI), si aftësia për të përpunuar foto përpara se t’i dërgoni (p.sh. heqje të sfondit apo ndryshim stili), si dhe tipare për ndihmë në shkrimin e mesazheve me sugjerime inteligjente.
WhatsApp thotë se këto veçori do të bëhen të disponueshme për përdoruesit “së shpejti”. /Telegrafi/