I ftuari i radhës në podcastin “Arena e Yjeve” ishte ish-futbollisti i njohur Faton Zejnullahu. Ky episod realizohet me mbështetjen e sponsorëve zyrtarë Golden Eagle , Air Munich dhe Exfis.
Zejnullahu ka folur së fundmi për lidhjen e tij të veçantë me klubin dhe për marrëdhëniet e mira që kishte me drejtuesit e asaj kohe.
Ai theksoi se kurrë nuk ka menduar të largohet nga klubi dhe se ndihej pjesë e një ambienti të ngrohtë dhe korrekt.
Një episod interesant nga karriera e tij lidhet edhe me pagat në klub, të cilat atëherë ishin shumë të ndryshme nga sot
“Po, se kam menduar asnjëherë të largohem prej Flamurtarit. Bile nuk kisha qejf as të dilja nëpër takime. Kam qenë i lidhur me klubin në atë kohë, edhe me kryesinë e klubit, kanë qenë kryesi shumë korrekte”.
“M’i përmend me emra, ka qenë Ekrem Qerolli, Mujë Dushi, Ekrem Latifi, Ymer Ademi që është tash, Bedri Humolli, me atë kam qenë i lidhur edhe jashtë futbollit”.
“E kujtoj një rast, në atë kohë nuk kanë qenë rrogat si tash, edhe merrem vesh me Ekrem Qerollin 500 euro rroga”.
“Edhe ndërkohë mas dy jave më thirrë në telefon, më thotë e ke rrogën 600 euro, sepse ia kam bërë edhe një lojtari tjetër”, ka deklaruar Zejnullahu.
Episodin e plotë me Faton Zejnullahun mund ta ndiqni edhe në kanalin zyrtar të Telegrafit në Youtube./Telegrafi/
– YouTube www.youtube.com
