Basketbollistët e Los Angeles Lakers vazhdojnë të kalojnë një periudhë shqetësuese, duke pësuar humbjen e katërt në pesë ndeshjet e fundit. Këtë herë, skuadra nga Kalifornia u mposht bindshëm në shtëpi nga Detroit Pistons me rezultatin 128:106.
Kriza te Lakers po thellohet gjithnjë e më shumë, ndërsa pas ndeshjes reagoi edhe Luka Doncic, i cili u shfaq i zhgënjyer dhe theksoi se “diçka duhet të ndryshojë urgjentisht” brenda ekipit.
Performanca individuale e Doncic nuk mjaftoi për të shmangur humbjen. Ylli slloven regjistroi 30 pikë, 11 asistime dhe pesë kërcime, ndërsa LeBron James kontribuoi me 17 pikë. Megjithatë, Pistons dominuan pothuajse gjatë gjithë ndeshjes dhe nuk lanë shumë hapësirë për reagim.
Detroit u udhëhoq nga Cade Cunningham, i cili shkëlqeu me 27 pikë, 11 asistime dhe pesë kërcime, duke e çuar ekipin drejt fitores së 25-të sezonale, kundrejt vetëm tetë humbjeve. Nga ana tjetër, bilanci i Lakers tani është 20 fitore dhe 11 humbje.
Në një tjetër ndeshje, Los Angeles Clippers dhuruan spektakël duke e mposhtur bindshëm Sacramento Kings me rezultatin 131:90. Kawhi Leonard ishte protagonisti kryesor me 33 pikë, duke udhëhequr ekipin drejt një fitoreje të lehtë.
Drama më e madhe e mbrëmjes u pa në përballjen mes Memphis dhe Philadelphia, e cila u vendos vetëm pas kohës shtesë.
Philadelphia triumfoi 139:136, falë paraqitjeve të shkëlqyera të Joel Embiid dhe Tyrese Maxey, të cilët shënuan nga 34 pikë secili.
Rezultatet:
Memphis – Philadelphia 136:139
– YouTube www.youtube.com
Utah – Boston 119:129
– YouTube www.youtube.com
LA Lakers – Detroit 106:128
– YouTube www.youtube.com
LA Clippers – Sacramento 131:90
– YouTube www.youtube.com