Thunder vazhdojnë me fitore, Lakers pëson humbje në fushën e Spurs

Basketbollistët e Oklahoma City Thunder mposhtën Utah Jazz me rezultatin 129:125 në Paycom Center, pas një drame të madhe që u vendos vetëm në kohën shtesë.

Skuadra vendase, e favorizuar para ndeshjes, e nisi takimin më mirë dhe krijoi epërsi prej nëntë pikësh pas çerekut të parë. Megjithatë, Utah arriti të mbajë ritmin dhe pjesa e parë u mbyll me shifrat 58:53 për Oklahoman.

Në pjesën e dytë, loja u zhvillua shportë pas shporte, me epërsi minimale që ndryshonte vazhdimisht. Në minutat e fundit të kohës së rregullt, Utah arriti ta barazojë rezultatin, duke çuar ndeshjen në shtesë pas shifrave 114:114.

Në kohën shtesë, Thunder tregoi më shumë qetësi dhe efikasitet, duke siguruar fitoren përfundimtare me katër pikë diferencë.

Më i miri në radhët e Oklahomës ishte Shai Gilgeous-Alexander, i cili realizoi plot 46 pikë, ndërsa mbështetje të madhe pati nga Chet Holmgren, që kontribuoi me 23 pikë dhe 12 ribaunde. Te Utah u dallua Lauri Markkanen me 29 pikë dhe 13 ribaunde.

Ndeshje u zhvilluan në të gjithë NBA-në, pa surpriza të mëdha, përjashtuar fitoren dramatike të Portland Trail Blazers ndaj Houston Rockets me rezultatin 103:102.

Ndërkohë, Los Angeles Lakers pësuan një humbje të rëndë në transfertë ndaj San Antonio Spurs, duke u mposhtur me shifrat 107:91. Spurs u udhëhoqën drejt fitores nga Keldon Johnson, i cili shënoi 27 pikë.

Rezultatet:

Boston – Denver 110:114

– YouTube www.youtube.com