Këshilli Gjyqësor i RMV-së shtyu sot seancën e 534-të për shkak të mungesës së kuorumit, pasi në seancë morën pjesë vetëm gjashtë nga gjithsej 15 anëtarë.
Kryetari i Këshillit Gjyqësor, Aleksandar Kambovski, njoftoi se për shkak të numrit të pamjaftueshëm të anëtarëve të pranishëm, nuk u plotësuan kushtet për mbajtjen e seancës, pas së cilës ajo u shty, dhe data e re do të shpallet më vonë.
“Disa janë në pushim vjetor, disa janë në pushim mjekësor”, tha Kambovski.
Mandati i dy anëtarëve, Milazim Mustafa dhe Selim Ademi, ka skaduar, dhe anëtarët në funksion, Ministri i Drejtësisë dhe Kryetari i Gjykatës së Lartë, gjithashtu nuk ishin të pranishëm në seancë.
Rendi i ditës i seancës së 534-të të Këshillit Gjyqësor përfshin disa pika, duke përfshirë ndërprerjen e funksionit gjyqësor për shkak të arritjes së kushteve për pension pleqërie, ankesa dhe peticione në lidhje me punën e gjyqtarëve dhe gjykatave, si dhe formimin e komisioneve për procedurat për përcaktimin e përgjegjësisë./Telegrafi/