Shkaku i vdekjes së Victoria Jones u njoftua të martën, gjashtë javë pasi ajo u gjet e vdekur në një dhomë hoteli në San Francisko.
Vajza e aktorit Tommy Lee Jones vdiq nga “efektet toksike të kokainës”, konfirmoi zyra e mjekut kryesor ligjor për Fox News.
Victoria u gjet e vdekur në hotelin Fairmont San Francisco më 1 janar.
Foto: EPA-EFE
Audioja nga telefonata në 911 tregon se ajo mund të kishte mbidozë droge.
Departamenti i Zjarrfikësve të San Franciskos konfirmoi se njësitë iu përgjigjën një telefonate që erdhi nga hoteli rreth orës 2:52 të mëngjesit më 1 janar në lidhje me një urgjencë mjekësore.
Si kujtesë, Victoria ishte vajza e Tommy Lee Jones dhe ish-gruas së tij Kimberlee Cloughley.
Ajo ka pasur disa role të vogla aktrimi, duke përfshirë paraqitjet në filmin “Men in Black” të vitit 2002 dhe “The Three Burials of Melquiades Estrada” të vitit 2005 dhe gjithashtu u shfaq në një episod të “One Tree Hill”.
Sipas profilit të saj në IMDb, roli i fundit ishte në filmin e vitit 2014 “The Horseman”, i drejtuar nga babai i saj. /Telegrafi/