Kandidati i Aleancës për Ardhmërinë e Kosovës (AAK) për deputet, Pal Lekaj, ka premtuar rikthimin e projekteve të mëdha dhe investimeve kapitale në Rrafshin e Dukagjinit pas zgjedhjeve të 28 dhjetorit, në rast të qeverisjes së Aleancës dhe me Ramush Haradinajn si Kryeministër.
Lekaj ka theksuar se banorët e Dukagjinit e dinë se kush punon për ta dhe se Aleanca ka qenë gjithmonë pranë tyre, duke mbështetur zhvillimin e rajonit dhe duke realizuar projekte që përmirësojnë jetën e qytetarëve.
Ai ka bërë thirrje që qytetarët të vazhdojnë të mbështesin Aleancën, duke e konsideruar këtë si garanci për zhvillim të qëndrueshëm dhe investime të reja në infrastrukturë dhe shërbime publike.
