Kryeministri i vendit, Hristijan Mickoski, deklaroi se politikat e qeverisë për rritjen e pensioneve po e ulin shkallën e varfërisë.
“Qëndrimi i Qeverisë është i qartë, mund të argumentojmë për hapin tonë që kemi ndërmarrë, dhe konfirmim se kemi ndërmarrë një hap të mirë janë njoftimet e Entit Shtetëror të Statistikës që dalin këto ditë dhe po komentohen në publik në lidhje me treguesit Laeken, përkatësisht nivelin e varfërisë, indeksin Gini, shpërndarjen e pabarabartë të të ardhurave. Ja ku kemi lajm të mirë, e ato janë se shkalla e varfërisë po zvogëlohet, nëse në vitin 2021 ishte 23 për qind, tani është 21,9 në vitin 2024, dhe në vitin 2023 ishte 22,2 përqind. Indeksi Gini, ose shpërndarja e pabarabartë e të ardhurave, nëse në vitin 2023 ishte 30,3, në vitin 2024 është 29,1 dhe është më i miri në rajon, dhe kur shikojmë shpërndarjen e pabarabartë të të ardhurave, është madje mbi mesataren evropiane”, theksoi Mickoski në një intervistë për “Veçer.mk”.
Mickoski theksoi se vendimi i Qeverisë për rritjen e pensioneve do të ketë një ndikim pozitiv në uljen e shkallës së varfërisë, me theks tek pensionistët dhe një ulje të mëtejshme të indeksit Gini.
“Edhe në vitin 2024 lshtl ky tregues, rritja e parë lineare prej 2.500 denarë ishte në nëntor, që do të thotë se ka një ndikim të vogël ose të parëndësishëm në këtë parametër, dhe në vitin 2025 tashmë pres të shoh që vendimi ynë për këtë lloj rritjeje të pensioneve do të ketë një ndikim shumë pozitiv në uljen e shkallës së varfërisë me theks tek pensionistët dhe me një ulje shtesë të indeksit Gini, pra shpërndarjes së pabarabartë të të ardhurave, gjë që do të thotë shumë për vendin sepse agjencitë botërore e vlerësojnë rejtingun kreditor të shtetit pikërisht në bazë të parametrave të tillë”, tha Mickoski.
Ai shtoi se Qeveria mbetet e vendosur në këtë politikë që po jep rezultate.