Sipas gazetarit Matteo Moretto, klubi spanjoll Girona ka shfaqur interes për të nënshkruar me mesfushorin e Interit, Kristjan Asllani, gjatë afatit kalimtar të janarit.
Mesfushori shqiptar ishte huazuar te Torino gjatë verës në një marrëveshje prej 1.5 milion eurosh, me opsion për transferim të përhershëm prej 12 milion eurosh.
Megjithatë, klubi torinez ka vendosur të ndërpresë huazimin e tij pas performancave të papëlqyeshme në gjysmën e parë të sezonit.
Me disa klube të Serie A që tashmë kanë shfaqur interes për Asllanin, tani edhe ekipi nga La Liga ka hyrë në garë.
Interi synon të shesë mesfushorin gjatë këtij afati kalimtar.
Girona po kërkon përforcime për të përmirësuar ecurinë në gjysmën e dytë të sezonit, pasi aktualisht renditet në vendin e 17-të në tabelë. /Telegrafi/