Qyteti ka kërkuar durim dhe i ka kërkuar një profesori inxhinierie nga Universiteti i Shkencave të Aplikuara të Mynihut të këshillojë mbi zgjidhjet e mundshme.
Shqetësimet për sigurinë u bënë më të theksuara në maj, kur një surfere 33-vjeçare vdiq pasi dërrasa e saj u kap nën ujë dhe ajo nuk mundi të çlirohej nga zinxhiri i bashkangjitur.
Departamenti i klimës dhe mjedisit i qytetit tha në një deklaratë të dielën se trau ishte “i paligjshëm dhe potencialisht i rrezikshëm”, transmeton Telegrafi.
Departamenti tha se pas aksidentit tragjik në fillim të këtij viti, “qyteti nuk duhet dhe nuk mund të tolerojë struktura të palejueshme në valën Eisbach”.
Një shoqatë surfimi e Mynihut tha të enjten në faqen e saj të internetit se autoritetet e qytetit po vendosnin shumë kushte, në përpjekjet për të rivendosur valën dhe se procesi ka “ngecur”.
Një postim në faqen e internetit të shoqatës së surfimit IGSM tha se qyteti po vendoste “gjithnjë e më shumë kushte dhe kërkesa të shtuara” për projektin, duke përfshirë dëmshpërblimin e qytetit për çdo rrezik gjatë një periudhe prove dhe sigurimin e një certifikate inxhinierike që ura ngjitur është mjaft e fortë për të mbështetur fiksimet në pajisjen e valës.
Shoqata paralajmëron se vendi “nuk është një valë për fillestarët dhe as një vend për të filluar surfingun në lumë, edhe nëse dikush ka përvojë në oqean”.
Ajo paralajmëron për blloqet e betonit të vendosura pas valës si frena ndaj rrymës së fortë: “Këto janë të rrezikshme për surfistët e papërvojë sepse në rast të një rënieje të pakontrolluar, dikush shtypet mbi to nga disa ton ujë dhe në rastin më të mirë del me mavijosje serioze”.
Rregullat e përdorimit përfshijnë të qenit një surfist i aftë dhe me përvojë dhe përdorimin e një zinxhiri për t’u shkëputur. /Telegrafi/