Sonte (e premte) do të nisë xhiro e shtatë në kuadër të Superligës së Kosovës.
Kësaj radhe do të ketë vetëm një përballje, derbi mes Gjilanit dhe Prishtinës që zhvillohet në stadiumin e qytetit.
Dy skuadrat e kanë nisur për mrekulli sezonin dhe do të provojnë t’i arkëtojnë vetëm pikët e plota.
Prishtina nuk di për humbje, ku ka regjistruar pesë fitore në pesë ndeshje ndërsa Gjilani ka vetëm një humbje.
“Bardhëkaltërit” gjithashtu kanë një arsye më shumë për të qenë të motivuar ngase synojnë t’i japin fund një rekordi të “zi”, ngase nuk dinë për fitore në 10 paraqitjet e fundit ndaj “Skifterëve”.
Përndryshe, përballja do të zhvillohet nga ora 19:00./Telegrafi/
Burimi: telegrafi.com ↗