Komuna e Prishtinës ka njoftuar qytetarët se mund të ketë vonesa dhe pengesa të përkohshme në qarkullimin e transportit publik, për shkak të një proteste që po zhvillohet në hyrje të kryeqytetit.
Sipas njoftimit të komunës, janë ndërmarrë masa të përkohshme për menaxhimin e qarkullimit në këtë pjesë të qytetit, ndërsa si pasojë linjat e transportit publik që kalojnë në këtë zonë mund të mos realizohen sipas orarit të rregullt.
“Si pasojë e situatës së krijuar, linjat që kalojnë në këtë pjesë të qytetit mund të mos realizohen sipas orarit të rregullt, duke shkaktuar vonesa në qarkullimin e tyre”, thuhet në njoftim.
Komuna ka kërkuar mirëkuptimin dhe durimin e qytetarëve deri në normalizimin e qarkullimit.
Ndërkohë, ekipet komunale po e përcjellin nga afër situatën dhe, sipas komunës, do të ndërmarrin masat e nevojshme për të siguruar vazhdimësinë e shërbimit sa herë që kushtet e qarkullimit e mundësojnë./Telegrafi/