Komuna e Fushë Kosovës ka njoftuar se po ndërmerr masa të reja për përmirësimin e menaxhimit të mbeturinave dhe mirëmbajtjen e hapësirave publike.
Në kuadër të këtyre angazhimeve, drejtoresha e Shërbimeve Publike, së bashku me ekipet e punës, ka përcjellë nga afër procesin e pastrimit dhe mirëmbajtjes së pikave të grumbullimit të mbeturinave.
Sipas Komunës, puna në terren po vazhdon me qëllim të sigurimit të një grumbullimi më të rregullt të mbeturinave dhe mirëmbajtjes së vazhdueshme të këtyre pikave.
Komuna ka bërë të ditur se masat synojnë gjithashtu përmirësimin e kushteve të mjedisit dhe krijimin e hapësirave publike më të pastra për qytetarët.
“Bashkë për një Fushë-Kosovë më të pastër dhe më të mirëmbajtur!”, thuhet në njoftimin e Komunës. /Telegrafi/