Talenti turk i Real Madridit, Arda Guler, ka vendosur të hedhë një hap të rëndësishëm në jetën e tij personale, duke u regjistruar në autoshkollë për të marrë patentën e shoferit.
Edhe pse në fushën e lojës dirigjon me lehtësi sulmin e gjigantit spanjoll dhe Kombëtares së Turqisë, 21-vjeçari tani do të duhet t’i nënshtrohet mësimeve teorike dhe praktike në timon për t’u pajisur me lejen e drejtimit, shkruan IndeksOnline.
Mediat turke kanë raportuar se ky hap i Gulerit tregon se ai po përshtatet gjithnjë e më shumë me jetën e pavarur në Madrid, ku krahas angazhimeve intensive me “Los Blancos”, po gjen kohë edhe për përgjegjësitë e përditshme jashtë futbollit.
Burimi: indeksonline.net ↗

