Zbulohet propozimi i Marta Kos, kur do t’i mbyllë Shqipëria negociatat e anëtarësimit me BE

Sot në ora 13:00, komisionerja për Zgjerim, Marta Kos do t’i tregojë Parlamentit Evropian planin e Komisionit Evropian për zgjerimin e unionit.

Një burim diplomatik në Bruksel i tha gazetarit të Top Channel, se komisionerja Marta Kos do t’i thotë parlamentit evropian se “Shqipëria deri në fund të 2026 do të mbyllë 6 kapituj dhe deri në fund të 2027 do të mbyllë 25 kapitujt e mbetur”.

Krahas Progres raportit sot në Bruksel, Komisioneria Marta Kos do të paraqesë edhe atë që njihet si Udhërrëfyesi me data konkrete për vendet të cilat aspirojnë anëtarësimin e plotë në BE. /tch