Kryesuesi i Kuvendit Komunal të Fushë Kosovës, Vlonjat Hasani, ka njoftuar se janë identifikuar dy vende me rrjedhje uji, ndërsa ekipet teknike janë duke punuar në riparimin e gypit me diametër FI 350.
Hasani ka bërë të ditur se riparimi po realizohet me mbështjellje riparuese, ndërsa ka theksuar se njoftimet për furnizimin me ujë duhet të merren vetëm nga Kompania Rajonale e Ujësjellësit “Prishtina”.
“Çdo lajm i cili nuk vjen nga Kompania Rajonale e Ujësjellësit ‘Prishtina’ sh.a. për furnizim me ujë nuk është zyrtar dhe nuk duhet marrë si të përfunduar”, ka shkruar Hasani.
Sipas tij, zyrtarët e ujësjellësit e kanë njoftuar se shumë shpejt pritet të fillojë furnizimi me ujë të pijshëm nga liqeni i Badovcit për banorët e fshatit Miradi e Epërme.
Hasani ka falënderuar qytetarët për mirëkuptimin. /Telegrafi/