Pas shqetësimit të ngritur nga një banor për një kanal të bllokuar pranë urës së fshatit në Miradi të Poshtme, ekipet e NPL “Fushë Kosova” kanë ndërhyrë në këtë zonë.
Ndërmarrja ka bërë të ditur se ka përfunduar pastrimin e nënkalimit në Miradi të Poshtme, ndërsa ekipet e saj po vazhdojnë punën edhe në rrugën e Pejës.
Punimet në terren janë përcjellë nga afër nga Kryeshefi Ekzekutiv i NPL “Fushë Kosova”, Ekrem Berjani.
NPL “Fushë Kosova” ka falënderuar edhe kompaninë “Preniqi” për ndihmën e ofruar në pastrimin e nënkalimit.
Ndërhyrja vjen pasi një banor i zonës kishte ngritur shqetësimin për bllokimin e kanalit dhe kishte paralajmëruar se, me reshjet, uji mund të grumbullohej në këtë pjesë.
Ndërmarrja ka bërë të ditur se puna në terren do të vazhdojë për mirëmbajtjen dhe pastrimin e hapësirave publike në Fushë Kosovë dhe fshatrat përreth. /Telegrafi/