Drejtoria e Mirëqenies Sociale në Prishtinë ka njoftuar se 13 rezidentë të Shtëpisë së të Moshuarve pa Përkujdesje Familjare janë pajisur me orë inteligjente “Monitoring Care”.
Sipas njoftimit, pajisjet janë siguruar me qëllim të rritjes së sigurisë dhe përmirësimit të përkujdesjes ndaj të moshuarve.
Kjo nismë është realizuar në bashkëpunim me Assistive Center, në kuadër të projektit “Sistemi ‘Monitorimi Care’ për Mbrojtjen dhe Kujdesin e të Moshuarve”.
Drejtoria e Mirëqenies Sociale ka bërë të ditur se do të vazhdojë të punojë për krijimin e kushteve më të sigurta, dinjitoze dhe cilësore për të moshuarit. /Telegrafi/
Burimi: telegrafi.com ↗