Drejtori i Arsimit në Komunën e Prishtinës, Arianit Elshani, ka njoftuar se kanë përfunduar punimet në dy shkolla në Mramor dhe Grashticë, në kuadër të investimeve për rritjen e efiçiencës së energjisë.
Sipas Elshanit, në këto dy shkolla kanë përfunduar punimet në fasadë, kulm dhe dritare, me qëllim përmirësimin e kushteve për nxënësit dhe mësimdhënësit.
Ai ka theksuar se këto janë investime konkrete që synojnë përmirësimin e infrastrukturës shkollore dhe ofrimin e kushteve më të mira për komunitetin arsimor.
“Gati për 1 Shtator! Mramori dhe Grashtica po e marrin vëmendjen që e meritojnë”, ka shkruar Elshani.
Sipas tij, investimet në infrastrukturën arsimore do të vazhdojnë edhe në lagje dhe fshatra të tjera të Prishtinës. /Telegrafi/
Burimi: telegrafi.com ↗