Në shkollën fillore dhe të mesme të ulët “Katër Dëshmorët” në Kovaçec të Kaçanikut është realizuar një ushtrim për evakuim emergjent, në bashkëpunim me Policinë, Njësinë e Zjarrfikësve, Qendrën e Mjekësisë Familjare dhe stafin e shkollës.
“Ushtrimi kishte për qëllim vlerësimin e gatishmërisë së institucioneve dhe ngritjen e vetëdijes për reagim të shpejtë dhe të koordinuar në situata emergjente, me theks të veçantë në rastet e zjarreve”, thuhet në njoftim.
Policia në Kaçanik ka theksuar se mbetet e përkushtuar në bashkëpunimin me institucionet arsimore dhe shërbimet emergjente për krijimin e një mjedisi shkollor më të sigurt.
Burimi: zeri.info ↗