UEFA i ka dhënë FIFA-s afat deri më 2 nëntor për të publikuar dokumente kyçe dhe për t’iu përgjigjur pyetjeve lidhur me qeverisjen dhe procesin e vendimmarrjes në organizatën botërore të futbollit.
Kërkesa vjen pas dështimit të planit për përfshirjen e investitorëve privatë në të drejtat komerciale të Kupës së Botës. Presidenti i FIFA-s, Gianni Infantino, kërkoi falje për këtë projekt, por nuk dha shpjegime të plota se si u hartua ai.
Në një letër drejtuar FIFA-s, sekretari i përgjithshëm i UEFA-s, Theodore Theodoridis, theksoi se disa pyetje thelbësore ende nuk kanë marrë përgjigje dhe dokumentet e kërkuara nuk janë dorëzuar.
Pyetjet përfshijnë edhe çështje të tjera të diskutueshme, si çmimi i Paqes i FIFA-s për Donald Trumpin dhe trajtimi disiplinor i futbollistit amerikan Folarin Balogun.
UEFA kërkon përgjigje të menjëhershme, duke theksuar se reformat e ardhshme nuk mund të zëvendësojnë transparencën dhe llogaridhënien për vendimet e marra më parë. /Zëri