Trajneri i Çekisë, Santi Denia, ka shprehur zhgënjimin e tij që Lamine Yamal do të mungojë në ndeshjen e së enjtes në Ligën e Kombeve kundër Spanjës, duke theksuar se tifozët kishin blerë bileta me shpresën për ta parë sulmuesin e Barcelonës.
“Ne donim që Lamine të ishte i pranishëm, por kjo nuk varet nga ne. Njerëzit paguajnë për bileta për ta parë Laminen,” tha Denia për Cadena SER.
“Do të shohim se çfarë formacioni do të hedhë në fushë Spanja dhe çfarë mund të hedhim ne. Nuk kemi asnjë lojtar të dëmtuar dhe kjo është ajo që ka rëndësi.”
Pavarësisht mungesës së disa lojtarëve kyç, Denia e pranoi se Spanja ka një fond të gjerë talentesh në dispozicion.
“A doni t’ju tregoj emrat e zëvendësuesve? Pikërisht për këtë arsye Spanja është më e mira.”
Çekia i ka humbur të katër ndeshjet e saj në Grupin A3 dhe nuk mund të kualifikohet në çerekfinale, ndërsa Spanja e ka siguruar tashmë kalimin në fazën tjetër.
/GazetaBlic Sport