Zinedine Zidane nuk e përjashton mundësinë që një ditë të ulet në stolin e Juventusit.
Legjenda franceze, para përballjes Itali – Francë në kuadër të UEFA Nations League, ka folur për mundësinë e drejtimit të gjigantit italian, duke lënë të hapur derën për një aventurë të ardhshme në Torino.
“Do të isha i lumtur të bëhesha trajner i Juventusit një ditë, po. Do të më pëlqente. Por në futboll askush nuk e di se çfarë mund të ndodhë”, është shprehur Zidane.
Zinedine Zidane: “I’d be happy to be Juventus manager one day, yes. I’d like it. But no one knows what happens in football”.🔥@FabrizioRomano. pic.twitter.com/HtO1RfmcuU
— Black&White🦓 (@Jfamily3502) November 11, 2026
Këto fjalë kanë rikthyer në vëmendje lidhjen e veçantë të francezit me Juventusin, fanellën e të cilit e veshi gjatë periudhës 1996–2001, përpara transferimit te Real Madridi.
Zidane, i cili shkroi histori edhe si trajner i Real Madridit, nuk e fsheh dëshirën për t’u rikthyer një ditë në Torino, kësaj radhe në rolin e trajnerit./Indeksonline/