Lamine Yamal nuk e fshehu ambicien për ta fituar Topin e Artë, ndërsa një moment gjatë ceremonisë së ndarjes së çmimeve në Londër shkaktoi të qeshura në sallë.
Sulmuesi i Barcelonës fitoi për herë të tretë radhazi trofeun Kopa, që i jepet talentit më të mirë të ri në futbollin botëror. Megjithatë, objektivi i tij kryesor ishte çmimi më prestigjioz individual, Topi i Artë.
Kur doli në skenë për ta pranuar trofeun, prezantuesi i ceremonisë, legjenda franceze Thierry Henry, i bëri një pyetje të drejtpërdrejtë.
“A ishte vërtet ky çmimi që dëshiroje ta fitoje sonte?”, e pyeti Henry, duke shkaktuar të qeshura dhe një reagim të sikletshëm nga talenti spanjoll.
Yamal buzëqeshi dhe u përpoq ta kalonte momentin me humor, duke treguar se ambicia e tij është të fitojë gjithçka.
“Po, po, dua t’i fitoj të gjithë. Por, duke folur për këtë çmim, do të doja që ta fitonte Pau Cubarsí”, u shpreh ai, duke iu referuar bashkëlojtarit të tij te Barcelona dhe përfaqësuesja e Spanjës.
Në fund, Yamal u rendit në vendin e tretë në garën për Topin e Artë 2026, pas fituesit Harry Kane dhe Kylian Mbappés.
Pavarësisht zhgënjimit për çmimin kryesor, 19-vjeçari vazhdon të jetë një nga emrat më të rëndësishëm të futbollit botëror dhe një kandidat serioz për ta fituar Topin e Artë në të ardhmen. /Zëri