Dy burra janë arrestuar në Kloten të Zvicrës pas një shkëmbimi të dyshimtë droge.
Policia kantonale e Cyrihut sekuestroi gjithsej 12.3 kilogramë kokainë, ndërsa gjatë kontrolleve në banesat e tyre u gjetën edhe lloje të tjera narkotikësh dhe rreth 12 mijë franga.
Ngjarja ndodhi të martën në mesditë, në zonën Balsberg të Klotenit. Hetuesit e Policisë Kantonale të Cyrihut vunë re dy burra që silleshin në mënyrë të dyshimtë dhe nervoze.
Sipas policisë, njëri prej tyre i dorëzoi tjetrit një qese plastike, pas së cilës të dy u larguan në drejtime të ndryshme. Kjo bëri që policët t’i ndalonin dhe t’i kontrollonin.
Në qese ishin katër kilogramë kokainëGjatë kontrollit, policia gjeti te një shtetas 32-vjeçar zviceran rreth katër kilogramë kokainë, të cilat ndodheshin në qesen që sapo ishte dorëzuar.
Hetimet vazhduan me kontrollin e banesës së tij, ku policia gjeti edhe rreth 12 mijë franga në para të gatshme. Por kontrolli i banesës së personit të dytë zbuloi një sasi edhe më të madhe droge.
Në banesë u gjetën edhe MDMA, ketaminë dhe metamfetaminëBëhet fjalë për një shtetas 35-vjeçar nga Serbia, në banesën e të cilit policia gjeti edhe tetë kilogramë të tjera kokainë, shkruan 20Minuten, transmeton Telegrafi
Përveç kokainës, autoritetet sekuestruan edhe rreth 300 gramë MDMA, rreth 400 gramë ketaminë, rreth 36 gramë metamfetaminë dhe rreth 133 gramë të një substance tjetër, e cila ende nuk është identifikuar.
Në total, sasia e kokainës së sekuestruar arrin në 12.3 kilogramë. Të dyshuarit iu dorëzuan prokurorisëPas arrestimit dhe marrjes në pyetje nga policia, të dy burrat iu dorëzuan prokurorisë kompetente.
Hetimet po vazhdojnë për të sqaruar rrethanat e shkëmbimit të drogës dhe rolin e dy të arrestuarve në aktivitetin e dyshuar të trafikut të narkotikëve./Telegrafi/