KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Pesë lojtarë të Barcelonës gati për të luajtur për herë të parë në Botëror

Pesë lojtarë të Barcelonës gati për të luajtur për herë të parë në Botëror

Barcelona do të ketë një numër të madh futbollistësh të përfaqësuar në Kupën e Botës 2026, me lojtarët e skuadrës katalanase që do të mbrojnë ngjyrat e kombëtareve të tyre në turneun më prestigjioz të futbollit.

Mes tyre, pesë futbollistë pritet të përjetojnë për herë të parë emocionet e një Kampionati Botëror.

Në krye të listës është talenti spanjoll Lamine Yamal, i cili do të debutojë me Spanjën në Kupën e Botës.

Sulmuesi i ri konsiderohet një nga armët kryesore të “La Roja” dhe pritet të ketë një rol vendimtar në ambiciet e kombëtares spanjolle për të synuar trofeun.

Po ashtu, portieri Joan Garcia do të marrë pjesë për herë të parë në një Botëror, ndërsa mbrojtësi i talentuar Pau Cubarsi do të synojë të sigurojë një vend në formacionin titullar të Spanjës.

Debutim në Kupën e Botës do të ketë edhe përforcimi më i ri i Barcelonës, Anthony Gordon, i cili do të përfaqësojë Anglinë në turneun që zhvillohet këtë verë.

Ndërkohë, talenti i akademisë katalanase, Hamza Abdelkarim, do të shkruajë historinë personale duke marrë pjesë për herë të parë në një Kampionat Botëror me kombëtaren e Egjiptit.

Kupa e Botës 2026 pritet të jetë një skenë e rëndësishme për këta futbollistë të rinj, të cilët do të kenë mundësinë të dëshmojnë cilësitë e tyre në nivelin më të lartë të futbollit ndërkombëtar. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.