NPL “Eko-Theranda” në Suharekë ka pranuar një robot modern për pastrimin e terreneve të ndryshme, si donacion nga kompania “Gani Transport”.
Sipas njoftimit të kësaj ndërmarrjeje, pajisja është dorëzuar nga Sami Berisha, në emër të kompanisë donatore.
NPL “Eko-Theranda” ka bërë të ditur se ky donacion do të ndihmojë në fuqizimin e kapaciteteve për mirëmbajtjen e hapësirave publike në komunën e Suharekës.
Ndërmarrja ka falënderuar kompaninë “Gani Transport” për mbështetjen, duke theksuar se përkrahja e bizneseve dhe qytetarëve është e rëndësishme për realizimin e synimit për një qytet më të pastër dhe më të gjelbër. /Telegrafi/
Burimi: telegrafi.com ↗