Një grua dhe dy burra kanë kërkuar tretman mjekësor pasi që, pas një mosmarrëveshje janë rrahur mes veti me mjete të forta dhe të mprehta.
Sipas raportit 24 orësh të Policisë së Kosovës bëhet e ditur se rasti ka ndodhur të premten rreth orës 19:35, në Han të Elezit.
Siç thuhet në njoftim të lënduarit janë dërguar në QKUK për tretman mjekësor.
“Hani i Elezit, 07.08.2026 – 19:35. Është raportuar se një femër dhe dy meshkuj kosovarë kanë kërkuar tretman mjekësor pasi që, pas një mosmarrëveshje janë rrahur mes veti me mjete të forta dhe të mprehta. Të lënduarit janë dërguar në QKUK për tretman mjekësor. Pas intervistimit me vendim të prokurori dy të dyshuarit meshkuj kosovarë janë dërguar në mbajtje”, thuhet në njoftim. /Telegrafi/