Ministri i Punës, Andin Hoti, ka marrë pjesë në konferencën rajonale “Skills for Jobs Conference”, e cila është mbajtur në Vjenë të Austrisë.
“Me ftesë të Bankës Botërore, mora pjesë në konferencën rajonale ‘Skills for Jobs Conference’ në Vjenë, ku diskutuam për zhvillimin e aftësive profesionale, përshtatjen e tyre me nevojat e tregut të punës dhe bashkëpunimin ndërmjet institucioneve publike dhe sektorit privat”, thuhet në njoftim.
Hoti ka theksuar se shkëmbimi i përvojave dhe njohja me praktikat e vendeve të tjera, veçanërisht të Austrisë, janë të rëndësishme për avancimin e politikave të punësimit dhe krijimin e mundësive të reja për qytetarët e Kosovës.
Ai ka falënderuar Bankën Botërore dhe Republikën e Austrisë për organizimin dhe mundësinë e shkëmbimit të përvojave.