Qiproja është vendi i parë që shpall emrin e përfaqësuesit të saj në festivalin e këngës “Eurovisioni 2027”, i cili do të mbahet në Burgas të Bullgarisë.
Vendi do të përfaqësohet nga këngëtari George Perris dhe vendimi u njoftua nga televizioni publik qipriot CyBC, transmeton Indeksonline.
George Perris lindi në Greqi nga një nënë franceze dhe një baba grek. Rritja në një mjedis shumëgjuhësh ndikoi në karrierën e tij muzikore, gjatë së cilës ai performoi në disa gjuhë.
Pas suksesit të tij fillestar në skenën muzikore greke, ai gradualisht ndërtoi një karrierë ndërkombëtare.
Ai ka performuar në vende të njohura koncertesh, duke përfshirë qendrën Lincoln në Nju Jork, Odeonin e lashtë të Herodes Atticus në Athinë dhe Place des Arts në Montreal. Gjatë gjithë karrierës së tij, ai ka bashkëpunuar me shumë muzikantë të njohur, duke përfshirë Lara Fabian, Plácido Domingo, Tina Arena, Michel Legrandin dhe Mario Frangoulisin./Indeksonline/
View this post on Instagram
A post shared by George Perris (@georgeperris)
A post shared by George Perris (@georgeperris)