Kanosje dhe sulm fizik ndaj zyrtarëve policorë në Ferizaj, dy policë dhe i dyshuari marrin tretman mjekësor

Policia e Kosovës ka bërë të ditur se një person është arrestuar pasi i njëjti ka ofenduar, kanosur dhe sulmuar fizikisht zyrtarët policorë.

Rasti ka ndodhur në Stacionin policor në Ferizaj, të premten në ora 15:40.

“Stacioni Policor Ferizaj 09.01.2026 – 15:40. Është arrestuar i dyshuari mashkull kosovar, pasi që i njëjti i ka ofenduar, kanosur dhe sulmuar fizikisht zyrtarët policorë”, thuhet në raport.

Si pasojë lëndime trupore kanë pësuar dy zyrtarë policorë dhe i dyshuari të cilët kanë pranuar tretman mjekësor.

Me vendim të prokurorit i dyshuari është dërguar në mbajtje. /Telegrafi/