Nga hapësirat komerciale me potencial për investim deri te shtëpitë që ofrojnë kushte për banim ose zhvillim të veprimtarive profesionale, përzgjedhja e kësaj jave në Telegrafi Real Estate sjell katër prona në zona të kërkuara të Prishtinës.
Në listë përfshihen një lokal duplex në Marigona Hill, një pronë me sipërfaqe të konsiderueshme në Veternik, një lokal në Rrugën B dhe një shtëpi në Dragodan.
Lokal duplex 491.8m² për shitje në Marigona Hill
Në Marigona Hill ofrohet për shitje një lokal duplex me sipërfaqe totale prej 491.8m², i organizuar në dy nivele.
Prona ndodhet pranë parkut dhe hapësirave rekreative të kompleksit dhe aktualisht ka marrëveshje aktive për qira, duke e bërë ofertën veçanërisht interesante për investim. Çmimi i shitjes është 1,426,200 euro.
Shtëpi 1195m² për shitje në Veternik
Nëse po kërkoni një pronë me hapësirë të madhe dhe mundësi të shumta shfrytëzimi, kjo shtëpi prej 1195m² në Veternik1195m² në Veternik, në Lagjen Logerta, pranë STEP Sport Center, është një prej ofertave që ia vlen ta konsideroni.
Objekti ka gjithsej 16 hapësira, katër banjo dhe një tarracë prej 200m², ndërsa falë sipërfaqes dhe organizimit mund të përshtatet për zyre, klinika apo veprimtari të tjera profesionale. Prona përfshin edhe 10 ari truall, garazh dhe hapësirë për parkim. Çmimi është 980,000 euro.
Lokal 500m² për shitje në Rrugën B
Ndërsa nëse po kërkoni një hapësirë të madhe për biznes në një zonë me qarkullim të lartë, në Rrugën B ofrohet për shitje një lokal me sipërfaqe prej 500m²500m².
Prona ofron mundësi fleksibile organizimi, në varësi të veprimtarisë që planifikoni të zhvilloni. Lokali ka orientim nga lindja dhe perëndimi, tualet dhe mundësi parkimi, ndërsa çmimi i shitjes është 1,600,000 euro.
Shtëpi 260.34m² për shitje në Dragodan
Përzgjedhjen e kësaj jave e mbyll një shtëpi prej 260.34m² në Dragodan, në Washington Residence.
Shtëpia është e organizuar në përdhes dhe dy kate dhe përfshin qëndrim ditor, kuzhinë, tri dhoma gjumi, dy banjo, tualet, depo dhe tarracë. Ngrohja realizohet me pompë termike, ndërsa prona ka edhe garazh. Çmimi i shitjes është 404,000 euro.
Këto dhe shumë prona të tjera për shitje dhe qira mund t’i gjeni në Telegrafi Real Estate, me oferta për banim, biznes dhe investim në zona të ndryshme të Kosovës.