KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Federata Shqiptare e zbulon gabimisht, Shqipëria po tenton ta “rrëmbejë” Ron Raçin nga Kosova

Federata Shqiptare e zbulon gabimisht, Shqipëria po tenton ta “rrëmbejë” Ron Raçin nga Kosova

Federata Shqiptare e Futbollit mesa duket po tenton ta bindë qendërmbrojtësin e Hajduk Splitit, Ron Raçi për ta përfaqësuar Shqipërinë në nivelin ndërkombëtar.

23-vjeçari ende nuk ka luajtur në ndeshje zyrtare për Kosovën, ndërsa ka zhvilluar vetëm një miqësore në qershorin e vitit 2025, ku ishte titullar në fitoren ndaj Ishujve Komore.

Përzgjedhësi Franco Foda e kishte ftuar edhe për kualifikueset e Botërorit në muajin tetor, por e la në stol në sfidën ndaj Suedisë, kurse në rastet e tjera qëndroi vetëm në listën e gjerë.

Kësisoj, Shqipëria duket se po provon të përfitojë nga kjo situatë për ta bindur edhe një tjetër lojtar të Kosovës. FSHF-ja në videon që prezantoi përzgjedhësin e ri Ronaldo Maran, u pa në prapaskena një tabelë me disa lojtarë, e një prej tyre ishte ylli i Hajdukut.

Në atë tabelë përpos Raçit kishte edhe disa emra të tjerë që Shqipëria po provon t’i bindë, si Brajan Gruda i Gjermanisë dhe futbollisti që refuzoi Kosovën, Mërgim Berisha.

Ende mbetet e paqartë nëse Raçi do të pranojë të luajë për Shqipërinë në nivelin ndërkombëtar, kurse mbetet të shihet se tek e cila kombëtare do të ftohet për miqësoret e muajit qershor./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.