Klubi i Prishtinës ka arritur marrëveshje me futbollistin boshnjak Harun Karic.
Qendërmesfushori ka eksperiencë të madhe meqenëse ka luajtur në disa ekipe të ndryshme, si dhe përfaqësuar Bosnja Hercegovinën në grupmoshat U19 dhe U21.
Postimi i plotë i Prishtinës pa ndërhyrje:
“FC Prishtina ka arritur marrveshje me futbollistin boshnjak Harun Karić. Mesfushori qendror, 23-vjeçar, i bashkohet skuadrës sonë duke sjellë duke sjellë përvojë nga kampionate të ndryshme.
Së fundmi, Karić ishte pjesë e elitës së futbollit në Kirgistan, dhe luajti për ekipet Bars dhe Abdysh- Ata Kant ku arriti të fitojë titullin dhe superkupën. Në karrierën e deritanishme, ai ka qenë gjithashtu pjesë e ekipit kroat NK Lokomotiva, si dhe klubeve nga Bosnja dhe Hercegovina: Željezničar, Tuzla City dhe OFK Gradina.
Harun Karić ka përfaqësuar Bosnjën dhe Hercegovinën edhe në arenën ndërkombëtare, duke qenë pjesë e reprezentacioneve U19 dhe U21./Telegrafi