KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Ekstradohet nga Kosova në Suedi një person i kërkuar për vepra të rënda penale

Ekstradohet nga Kosova në Suedi një person i kërkuar për vepra të rënda penale

Policia e Kosovës ka bërë të ditur se më 21 tetor është realizuar ekstradimi i një shtetasi suedez nga Kosova drejt Suedisë, i cili kërkohej me urdhërarrest ndërkombëtar për vepra të rënda penale që lidhen me narkotikët.

Sipas njoftimit të Policisë së Kosovës, ekstradimi u realizua nga Drejtoria për Bashkëpunim Ndërkombëtar Policor, në koordinim me njësitet e tjera relevante të Policisë së Kosovës dhe institucionet e drejtësisë.

Personi i ekstraduar kërkohej nga institucionet e drejtësisë së Suedisë, ndërsa procedura u realizua falë bashkëpunimit ndërmjet institucioneve të Republikës së Kosovës dhe Mbretërisë së Suedisë.

Policia ka theksuar se Drejtoria për Bashkëpunim Ndërkombëtar Policor do të vazhdojë shkëmbimin e informacioneve me institucionet vendore, shtetet dhe organizatat ndërkombëtare, me qëllim të parandalimit, hetimit dhe zbulimit të aktiviteteve kriminale.

Ky bashkëpunim synon gjithashtu gjurmimin dhe arrestimin e personave dhe grupeve kriminale që veprojnë brenda dhe jashtë vendit. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.