Cyrihu i jep mbi 1 milion franga për turneun e futbollit të personave të pastrehë

Personat që nuk kanë kulm mbi kokë nuk nënkupton që nuk kanë ëndrra, apo, që nuk mund t’i jetësojnë ato.

Për këtë kategori, qeveria kantonale e Cyrihut ka menduar që ta organizojë nja turne futbolli, duke ndarë mbi 1 milion franga për këtë organizim, shkruan Waston, transmeton Telegrafi.

Organizata që do organizojë turneun e futbollit pret rreth 500 atletë të pastrehë nga 50 vende, si dhe disa mijëra spektatorë. Përveç ndeshjeve, janë planifikuar edhe ngjarje kulturore dhe një ceremoni hapjeje dhe mbylljeje.

Turneu pritet të mbahet në vitin 2028./Telegrafi/