Dy persona janë arrestuar pasi të njëjtit pas një mosmarrëveshje që kishin me një person tjetër dyshohet se e kanë sulmuar fizikisht atë.
Sipas raportit 24 orësh të Policisë së Kosovës bëhet e ditur se rasti ka ndodhur të martën rreth orës 18:00 në fshatin Druarë të Vushtrisë.
Tutje bëhet e ditur se me vendim të prokurorit të dyshuarit janë dërguar në mbajtje.
“Janë arrestuar dy të dyshuar meshkuj kosovarë pasi të njëjtit pas një mosmarrëveshje që kishin me viktimën mashkull kosovar, të njëjtit dyshohet se e kanë sulmuar fizikisht atë. Me vendim të prokurorit të dyshuarit janë dërguar në mbajtje”, thuhet në raport. /Telegrafi/
Burimi: telegrafi.com ↗