Talenti i basketbollit prizrenas, Besim Bytyqi, do ta vazhdojë karrierën e tij në Itali, duke iu bashkuar akademisë së njohur për zhvillimin e basketbollistëve të rinj, Orange1 Basket Bassano.
Lajmin e ka bërë të ditur vetë klubi i KB Bashkimit përmes një njoftimi zyrtar në rrjetet sociale, ku i ka uruar 18-vjeçarit suksese të mëtejshme në rrugëtimin e tij të ri sportive, transmeton IndeksOnline.
“Një kapitull i ri për Besim Bytyqin! Nga Prizreni drejt ëndrrave të reja”, thuhet në mesazhin e klubit prizrenas.
Bytyqi kishte debutuar me ekipin e parë të KB Bashkimit qysh në moshën 16-vjeçare, në dhjetor të vitit 2024, duke u aktivizuar si në kampionatin vendor ashtu edhe në garat evropiane.
Ndërkohë, në arenën ndërkombëtare, ai ka përfaqësuar Kosovën në grupmoshat e reja, duke luajtur në turnetë e FIBA EuroBasket për kategoritë U16 dhe U18.

