KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Anthony Joshua bëhet baba për herë të dytë, mirëpret një vajzë me partneren Nicole Osbourne

Anthony Joshua bëhet baba për herë të dytë, mirëpret një vajzë me partneren Nicole Osbourne

Ylli britanik i boksit, Anthony Joshua, është bërë baba për herë të dytë. 37-vjeçari ka mirëpritur një vajzë me partneren e tij, Nicole Osbourne, lajmin e të cilës e kishte mbajtur larg vëmendjes publike.

Vajza ka lindur më 14 nëntor, me peshë 2.5 kilogramë, ndërsa emri i saj ende nuk është bërë i ditur. Çifti ka edhe një djalë 11-vjeçar, JJ.

Në një intervistë për “The Sun”, Joshua u shpreh i emocionuar për ardhjen në jetë të vajzës, duke treguar se dëshironte ta mbante të fshehtë gjininë e foshnjës gjatë shtatzënisë.

I dua djemtë, por sapo mora vesh se kishim një vajzë të vogël, thashë: Mjaft me FIFA, mjaft me motor, mjaft me PlayStation!

Boksieri tregoi se ende nuk e ka takuar nga afër të bijën, pasi ndodhet në Marbella duke u përgatitur për përballjen e shumëpritur me Tyson Fury. Deri atëherë, ai komunikon me partneren përmes telefonatave me video.

Joshua foli edhe për periudhën e vështirë që ka kaluar pas humbjes së dy miqve të tij më të ngushtë, Sina Ghami dhe Latif Ayodele, të cilët humbën jetën në një aksident automobilistik në Nigeri, dhjetorin e kaluar.

Viti i kaluar ka qenë jashtëzakonisht i vështirë. E kuptova sa e çmuar është jeta dhe sa e shkurtër mund të jetë.

Do ta jetoj jetën time sipas detyrës. Edhe të kesh një vajzë ishte pjesë e detyrës sime. Doja të sillja jetë, ishte një vendim i vetëdijshëm, 100 për qind, u shpreh ai. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.