KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Ndryshon agjenda e qëndrimit të Jakup Krasniqit në Kosovë

Ndryshon agjenda e qëndrimit të Jakup Krasniqit në Kosovë

Vizita e ish-kryetarit të Kuvendit, Jakup Krasniqi, në Kosovë, ka pësuar një ndryshim në agjendën e tij.

Siç ka mësuar gazetarja e Klan Kosova, Endrita Bajrami, ai pritet të largohet nga shtëpia në Velani të Prishtinës në orën 12:00, raporton Klankosova.tv.

Kështu së paku thuhet se ka mësuar Policia e Kosovës.

Paraprakisht ishte raportuar se Krasniqi do të qëndrojë të shtunën deri në orën 14:00 me familjarët e tij të ngushtë, nga ku më pastaj do të dërgohej direkt në Aeroportin Ndërkombëtar të Prishtinës, teksa në orën 15:00 ishte paralajmëruar fluturimi i tij drejt Hagës.

Krasniqi mbërriti në Prishtinë të mërkurën për një vizitë humanitare që iu mundësua nga Dhomat e Specializuara të Kosovës në Hagë.

Arsye ishte gjendja shëndetësore e bashkëshortes së tij, Sevdijes.

Gjatë këtyre ditëve, ish-zëdhënësi i UÇK-së ka qëndruar nga mëngjesi deri në orët e mbrëmjes me familjarët e tij në shtëpinë në Velani, nën masa të rrepta të sigurisë.

Natën dyshohet se e ka kaluar në ambientet e EULEX-it. /Klankosova.tv

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.