KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Incident gjatë largimit të Jakup Krasniqit nga shtëpia, pjesëtarët e EULEX-it dyshohet se u drejtuan armët familjarëve të tij

Incident gjatë largimit të Jakup Krasniqit nga shtëpia, pjesëtarët e EULEX-it dyshohet se u drejtuan armët familjarëve të tij

Një incident shqetësues raportohet të ketë ndodhur sot gjatë largimit të ish-kryetarit të Kuvendit të Kosovës, Jakup Krasniqi, nga shtëpia ku po qëndronte për vizitë familjare.

Siç merr vesh lajmi.net nga gazetari jonë atje, pjesëtarë të EULEX-it dyshohet se u kanë drejtuar armët familjarëve të Krasniqit, pasi këta të fundit po e xhironin me telefona momentin e largimit të tij.

Sipas informacioneve të siguruara nga lajmi.net, incidenti ka ndodhur në momentin kur pjesëtarët e EULEX-it kishin shkuar për ta marrë Krasniqin pas përfundimit të vizitës së sotme pranë familjes.

Familjarët e tij po regjistronin me telefonat mobilë pamje nga largimi i Krasniqit prej ambienteve të shtëpisë, kur pjesëtarë të misionit evropian dyshohet se kanë reaguar duke ua drejtuar armët.

EULEX-i kishte mbërritur me katër xhipa për ta shoqëruar Krasniqin, i cili ndodhet përkohësisht në Kosovë për një vizitë të lejuar për arsye humanitare.

Gjatë largimit të tij është raportuar edhe për pengimin e gazetarëve që po tentonin të realizonin pamje./Lajmi.net/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.