KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Mblidhet PDK-ja, Çitaku paralajmëron strategji shtetërore për mbrojtjen e ish-krerëve të UÇK-së në Hagë

Mblidhet PDK-ja, Çitaku paralajmëron strategji shtetërore për mbrojtjen e ish-krerëve të UÇK-së në Hagë

Partia Demokratike e Kosovës ka mbajtur sot një takim të përbashkët të Kryesisë, Grupit Parlamentar dhe kryetarëve të degëve, ku është diskutuar për zhvillimet e fundit lidhur me procesin gjyqësor ndaj ish-krerëve të UÇK-së në Hagë.

Ushtruesja e detyrës së kryetares së PDK-së, Vlora Çitaku, ka bërë të ditur se javën e ardhshme pritet të prezantohen strategjia shtetërore për mbrojtjen në apel dhe një iniciativë e re ligjore për Dhomat e Specializuara, raporton lajmi.net.

Sipas njoftimit të PDK-së, iniciativa e re ligjore do të mbështetet në tekstin e miratuar nga Kuvendi në tetor, duke përfshirë edhe kontributet e PDK-së, ekspertëve dhe grupit punues.

Çitaku ka theksuar rëndësinë e bashkëpunimit ndërmjet partive parlamentare shqiptare për këtë çështje, duke vlerësuar se uniteti politik në mbështetje të ish-krerëve të UÇK-së ka rëndësi historike.

Ajo ka falënderuar subjektet politike për bashkëpunimin dhe mirëkuptimin e treguar deri më tani.

Ushtruesja e detyrës së kryetares së PDK-së ka ritheksuar se mbështetja e mbrojtjes juridike të ish-krerëve të UÇK-së në procesin e apelit mbetet prioritet absolut për partinë e saj.

Sipas PDK-së, angazhimi do të përqendrohet në sigurimin e mbështetjes institucionale dhe financiare, në mënyrë që ekipet mbrojtëse të kenë në dispozicion kapacitetet dhe fondet e nevojshme për veprimet juridike.

PDK-ja ka deklaruar se synimi i saj është rrëzimi i një aktgjykimi eventual dënues të shkallës së parë përmes procedurës së apelit./Lajmi.net/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.