KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Katër të arrestuar në operacionin “Taslixhe”, sekuestrohen 15 kilogramë marihuanë

Katër të arrestuar në operacionin “Taslixhe”, sekuestrohen 15 kilogramë marihuanë

Ministri i Punëve të Brendshme, Xhelal Sveçla, ka njoftuar për një operacion të Policisë së Kosovës kundër trafikimit të narkotikëve, gjatë të cilit janë arrestuar katër persona të dyshuar.

Operacioni, i koduar “Taslixhe”, është realizuar në koordinim me Prokurorinë, në lokacione të ndryshme në Prishtinë dhe Gjakovë, transmeton IndeksOnline.

Sipas Sveçlës, gjatë operacionit janë sekuestruar rreth 15 kilogramë marihuanë, një sasi kokaine, para të gatshme, armë dhe municion, telefona celularë, si dhe dy vetura.

Përmes një postimi, Sveçla ka thënë se lufta kundër trafikimit të narkotikëve dhe formave të tjera të kriminalitetit mbetet e përditshme dhe e palëkundur.

“Shëndetin dhe mirëqenien e të rinjve tanë do ta mbrojmë me çdo kusht. Beteja jonë për parandalimin dhe goditjen e çdo forme të kriminalitetit është e përditshme dhe e palëkundur”, ka shkruar Sveçla.

Ai ka theksuar se institucionet e sigurisë do të vazhdojnë të veprojnë me vendosmëri në luftimin e krimit dhe garantimin e sundimit të ligjit në të gjithë territorin e Kosovës.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.