Kombëtarja e Kosovës ka marrë një tjetër lajm të keq para përballjes me Izraelin në kuadër të UEFA Nations League.
Pas Lumbardh Dellovës, edhe Ermal Krasniqi është liruar nga grumbullimi i “Dardanëve” për shkak të një lëndimi muskulor.
Lajmin e ka konfirmuar të premten Federata e Futbollit e Kosovës (FFK), duke bërë të ditur se futbollisti nuk ka arritur të rikuperohet në kohë.
“Pas ekzaminimeve mjekësore, stafi mjekësor ka konstatuar se futbollistit i nevojitet më shumë kohë për rikuperim dhe se nuk do të jetë në gjendje të rikthehet në gatishmëri të plotë për ndeshjet ndaj Izraelit dhe Irlandës”, thuhet në njoftimin e FFK-së.
Burimi: dukagjini.com ↗