Si të ruani qetësinë, kufijtë dhe veten në një marrëdhënie me shenjën më enigmatike të zodiakut
Edhe pse na tërheqin në mënyrë të parezistueshme karizma dhe ndjeshmëria e kësaj shenje mistike të ujit, një lidhje me ta ndonjëherë mund të jetë një sfidë e vërtetë.
Më poshtë sjellim disa këshilla që do t’ju ndihmojnë ta kuptoni më mirë Akrepin dhe të shijoni udhëtimin intensiv dhe pasionant që ofron një lidhje me personat e lindur në këtë shenjë horoskopi.
Pse Akrepët kanë një reputacion kaq të keq?
Çdo shenjë horoskopi ka anët e saj pozitive dhe negative, por duket se Akrepët kënaqen veçanërisht me reputacionin e tyre si shenjë frikësuese. Nga jashtë duken të fortë dhe të papërshkueshëm, por sapo i njihni më mirë, kuptoni se kjo shenjë uji është në thelb e butë dhe e ndjeshme.
Reputacioni i tyre i keq buron pjesërisht nga mitologjia. Planetët sundues të Akrepit janë Marsi, perëndia e luftës, dhe Plutoni, perëndia e botës së nëndheshme. Njerëzit shpesh kanë frikë nga Akrepi sepse ai i përjeton ndjenjat shumë më intensivisht se shenjat e tjera. Për më tepër, janë jashtëzakonisht intuitivë, ndaj është pothuajse e pamundur t’i mashtroni.
E nëse Akrepi zemërohet ose lëndohet, jini të sigurt se do ta planifikojë hakmarrjen. Zakonisht do ta “thumbojë” personin që e ka lënduar dhe do të vazhdojë përpara sikur asgjë të mos ketë ndodhur, transmeton Telegrafi.
Si t’i mbijetoni një lidhjeje me Akrepin?
Ashtu si vetë kjo shenjë misterioze dhe shpesh konfuze, përgjigjja nuk është e thjeshtë.
Shmangni dramën
Kjo shenjë uji nuk ka durim për dramën, përveçse kur bëhet fjalë për dramën e tyre personale. Prandaj, shmangni reagimet e tepruara në praninë e tyre. Reagimi tipik i Akrepit ndaj teatralitetit është injorimi i mesazheve dhe thirrjeve. Ata nuk kanë frikë të bllokojnë njerëzit që ua prishin ndjenjën e stabilitetit.
Lërini të udhëheqin lojën – ose të paktën të mendojnë se po e udhëheqin
Akrepët mund të jenë të prirë drejt kontrollit dhe nuk i pëlqejnë surprizat. Rekomandohet t’i lini ata të marrin drejtimin në planifikim, në mënyrë që kjo energji të neutralizohet. Sigurisht, mund të jepni sugjerime, por vetëm kur ju kërkohen. Lejojini të marrin meritat për idetë, edhe nëse ato janë tuajat.
Injoroni “thumbimin” e tyre helmues
Thumbimi i Akrepit mund të jetë i dhimbshëm. Është e rëndësishme të dini se Akrepët reagojnë shpesh në moment, por kjo nuk do të thotë se do t’i mbajnë gjatë ato emocione. Kanë temperament të fortë dhe mund të shpërthejnë kur “preken”. Jepuni hapësirë që të qetësohen – zakonisht kërkojnë falje pasi të ftohen.
Qëndroni misteriozë
Kur komunikoni me Akrepin, mbajini mesazhet të shkurtra dhe të ëmbla. Lërini gjithmonë të duan më shumë. Akrepët e duan përpjekjen dhe ndërtimin gradual të lidhjes. Për ta arritur këtë, duhet të zgjoni interesin e tyre që do të thotë të mbeteni enigmatikë, sidomos në fillim. Ata kënaqen duke zgjidhur enigmën që jeni ju.
Respektoni ambicien e tyre
Ambicia është motori i Akrepëve. Dëshira e tyre për sukses në çdo aspekt të jetës mund t’i çojë drejt sjelljeve të pamëshirshme dhe lojërave të pushtetit. Ata nuk ndalen derisa të arrijnë atë që duan. Më e mira është t’i lini të ecin në rrugën e tyre dhe t’i mbështesni për aq kohë sa kjo nuk ju dëmton ju apo të tjerët.
Pse i adhurojmë megjithatë?
Edhe pse mund të jenë të vështirë dhe tepër intensivë, Akrepëve është e pamundur t’u rezistosh. Ata kanë cilësi të jashtëzakonshme që na tërheqin fuqishëm.
Janë brutalisht të sinqertë
Meqë dinë të lexojnë mes rreshtave dhe e nuhasin gënjeshtrën, Akrepët e vlerësojnë jashtëzakonisht shumë autenticitetin. Nëse zbulojnë se po fshehni diçka, besueshmëria juaj do të dëmtohet rëndë. Rikthimi i besimit kërkon shumë kohë nëse ndodh ndonjëherë. Me ta, sinqeriteti është gjithmonë politika më e mirë.
Duam të rriten bashkë me ju
Akrepët e nxisin dhe e pranojnë ndryshimin. Ata besojnë te njerëzit që kanë treguar se mund të zhvillohen dhe të bëhen version më i mirë i vetes. Dashuria e palëkundur i ndihmon të kuptojnë se njerëzit mund të transformohen, nëse e duan vërtet dhe punojnë për këtë – ashtu siç bëjnë edhe vetë.
Emocionet e tyre janë të thella
Akrepët nuk kanë frikë të shkojnë në ekstreme dhe i shprehin thellë emocionet e tyre, çka i bën mjeshtër të “love bombing”. Lajmi i mirë është se me ta nuk keni nevojë të përmbaheni. Si valët e oqeanit, më e mira është t’i lini emocionet të rrjedhin lirshëm.
Besnikëria është emri i tyre i dytë
Nuk do të na habiste aspak nëse Akrepi e ka shpikur shprehjen “me ty deri në fund”. Kjo është motoja e tyre i jetës. Ata qëndrojnë besnikë ndaj atyre që i duan dhe i mbrojnë miqtë deri në fund – edhe kur këta nuk kanë të drejtë. Me një Akrep në krah, gjithmonë e dini se dikush ju ruan shpinën.
Luftojnë për atë në çfarë besojnë
Sapo Akrepi merr një vendim, është jashtëzakonisht e vështirë ta largosh prej tij. Energjia e tyre fikse i shtyn të luftojnë për atë që duan më shumë, pavarësisht pasojave. Kur diçka është në mendjen dhe zemrën e tyre, ata qëndrojnë të fortë dhe nuk dorëzohen derisa ta arrijnë qëllimin. /Telegrafi/