Një palestinez i zhvendosur në Rripin e Gazës ka gjetur një mënyrë kreative për të përballuar mungesën e energjisë elektrike, duke ndërtuar një turbinë të improvizuar me erë për të furnizuar me rrymë tendat e familjeve në Khan Younis.
Duke mos pasur mundësi financiare për të blerë panele diellore, ai ka vendosur të shfrytëzojë erën si burim alternativ energjie, transmeton Telegrafi.
Me mjete të improvizuara, ka ndërtuar një sistem që përdor lëvizjen e flladit për të prodhuar energji elektrike dhe për të vënë në funksion pajisjet e nevojshme për jetën e përditshme.
Mbi tendat e kampit të zhvendosjes në al-Mawasi, pranë Khan Younisit, turbinat e ndërtuara vetë rrotullohen nën ndikimin e flladit që vjen nga deti.
Për familjet që jetojnë në këto tenda dhe kanë mbetur pa furnizim të rregullt me energji elektrike, kjo zgjidhje përfaqëson një burim të rëndësishëm ndihme.
Nisma tregon se si banorët e zhvendosur po përpiqen të gjejnë zgjidhje të thjeshta dhe të përballueshme për nevojat e tyre bazë, në kushte të vështira jetese dhe me burime të kufizuara. /Telegrafi/
– YouTube www.youtube.com