Dua Lipa zgjodhi një pamje të pazakontë për ceremoninë e çmimeve të revistës WSJ, të mbajtur në Muzeun e Artit Modern në New York.
Këngëtarja u shfaq me një komplet nga koleksioni i modës së lartë të Chanel për vjeshtë-dimër 2026, duke kombinuar teksturën e tweed-it me pupla dhe aksesorë të veçantë.
Veshja përbëhej nga një xhaketë me shpatulla të theksuara dhe një fund i ngushtë deri në gju. Pëlhura me bazë të verdhë të zbehtë ishte zbukuruar me motive bimore, fije gri e ngjyrë fildishi, rruaza dhe xhufka.
Detaji më i spikatur ishte bordura me pupla të zeza në jakë dhe mëngë.
Pamjen, të krijuar në bashkëpunim me stilistin e saj prej kohësh Lorenzo Posocco, Dua e kompletoi me këpucë të zeza sateni, çizme të zbukuruara me rruaza dhe një kapelë të zezë me strehë të gjerë, të dekoruar me pupla.
Edhe grimi ishte në harmoni me veshjen, me nuanca të ngrohta terrakote dhe bronzi, ndërsa buzët i kishte lyer në ngjyrë nude.
Ceremonia e 16-të e çmimeve WSJ Innovator u mbajt më 29 tetor. Mes të pranishmëve ishin edhe Lupita Nyong’o, Cara Delevingne, ASAP Rocky dhe Christian Louboutin. Në kategorinë e muzikës u vlerësua këngëtarja spanjolle Rosalia. /Telegrafi/
